Prezident Co Bayden Donald Trampın ABŞ-da keçiriləcək prezident seçkilərində məğlub olacağı təqdirdə mümkün hərəkətlərini dəyərləndirib və hakimiyyətin ötürülməsinin sülh yolu ilə baş tutacağına şübhə etdiyini bildirib...
Poliqon xəbər verir ki, ABŞ prezidenti bu barədə CBS News telekanalına müsahibəsində bildirib.
2020-ci il seçkiləri zamanı Tramp da məğlubiyyətini etiraf etməkdən imtina edib və seçkinin nəticələrinin legitimliyini şübhə altına alıb. "Tramp seçkilərdə yenidən uduzsa, 2025-ci ilin yanvarında hakimiyyətdən sülh yolu ilə əl çəkəcəkmi" sualını cavablandıran Bayden bundan qətiyyən əmin olmadığını bildirib.
"Tramp sözünü deyir. Biz onu ciddi qəbul etmirik. O, ciddidir. Açıq şəkildə deyir ki, "uduzsaq, qanlı qırğın olacaq, oğurlanmış seçki olacaq" Görün indi xalqın səs saydığı yerli dairələrdə nə etməyə çalışırlar", deyə Bayden bildirib.
Qeyd edək ki, rəy sorğularına əsasən, ABŞ-ın vitse-prezidenti Kamala Harris seçicilərin simpatiyasına görə Donald Trampı bir qədər qabaqlayır. Belə ki, milli səviyyədə Kamala Harris seçicilərin 50%-nin, Donald Trampın isə 49%-nin dəstəyinə malikdir. Adətən ABŞ prezidentliyinə namizədlər arasında seçki mübarizəsinin nəticəsini həll edən yelləncək adlanan ştatlarda indiyədək tam paritet müşahidə olunur: hər iki namizəd yerli seçicilərin 50%-nin dəstəyinə malikdir.
Poliqon.info
Digərxəbərlər
Populyar xəbərlər
