Avqustun 7-dən etibarən Rusiya ərazisində mexanikləşdirilmiş hücum əməliyyatları davam edən Ukrayna qoşunları Rusiyanın Kursk bölgəsinə doğru 10 kilometr irəliləyib...
Poliqon xəbər verir ki, bu barədə Amerikanın Müharibə Araşdırmaları İnstitutunun (ISW) hesabatında deyilir.
“Avqustun 6 və 7-də yayımlanan geolokasiya görüntüləri göstərir ki, Ukrayna zirehli texnikası beynəlxalq sərhəddən təxminən 10 kilometr aralıda, 38K-030 şossesi boyunca mövqelərə keçib. Ukraynanın Kursk bölgəsindəki hücum əməliyyatlarının hazırda təsdiqlənmiş miqyası və yeri göstərir ki, Ukrayna qüvvələri ən azı iki Rusiya müdafiə xəttini və bir güclləndirilmiş müdafiə məntəqəsini yarıblar”, deyə hesabatda qeyd edilir.
ISW-nin rusiyalı insayder mənbəyə istinadən verdiyi məlumata görə, avqustun 6-da əməliyyat başlayandan bəri Ukrayna qoşunları Kursk vilayətində 45 kvadrat kilometr ərazini ələ keçirib.
Digər rus mənbələrinə görə, Ukrayna qoşunları ümumilikdə 11 yaşayış məntəqəsini ələ keçirib.
Poliqon.info
Digərxəbərlər
Populyar xəbərlər
