Amerikanın "CrowdStrike" şirkəti ABŞ və Böyük Britaniyada "Windows"un qlobal kəsilməsindən əziyyət çəkən müştərilərinə "Uber Eats" vasitəsilə qida çatdırılması üçün 10 dollarlıq hədiyyə kartları təklif edib. Lakin məlum olub ki, bu kartları aktivləşdirmək mümkün deyil...
Poliqon xəbər verir ki, bu barədə TechCrunch portalı məlumat yayıb.
"CrowdStrike"dən gələn e-poçtda deyilir: "Biz ürəkdən təşəkkürümüzü bildiririk və yaranan narahatlığa görə üzr istəyirik. Minnətdarlığımızı göstərmək üçün növbəti fincan qəhvəniz və ya gecə qəlyanaltınız üçün ödəyəcəyik!"
Qeyd olunur ki, hədiyyə kartları "CrowdStrike" şirkətinin baş biznes direktoru Daniel Bernardın elektron ünvanından göndərilib.
Bundan əlavə, bəzi qurbanlar mükafat kartlarından istifadə etməyə çalışdıqları zaman çekin ləğv edildiyini bildirən xəta mesajı aldıqlarını deyiblər. Ehtimal olunur ki, "Uber" bu kartları saxta hesab edib və yüksək istifadə nisbətlərinə görə onları qəbul etməyi dayandırıb.
"Reddit" forumunda bəzi istifadəçilər təvazökar nominallı çeklərin paylanması jestini tənqid edərək, belə bir hədiyyəni heç bir kompensasiyanın olmamasından daha pis qiymətləndirdilər.
Poliqon.info
Digərxəbərlər
Populyar xəbərlər
