“Orxan” qasırğası Moskvaya yaxınlaşır

Saat 15:00-da başlayacaq qasırğanın pik həddi isə 17:00-18:00 aralığı olacaq. BAKU.WS xəbər verir ki, bu barədə "Shot" teleqram kanalı məlumat yayıb .

"Gecə saat 2-3-ə qədər gərgin olacaq. Küləyin sürəti saniyədə 20-25 metrə çatacaq, şimşək çaxacaq, dolu düşəcək. Təbiət hadisəsi güclü yağışla müşayiət olunacaq. Aylıq yağıntının yarıdan çoxu gözlənilir".

Məlumata görə, “Orxan” fars dilindən “qala hökmdarı” kimi tərcümə olunur. Qasırğanın başlanğıcında temperatur 30-34 dərəcə civarında qalacaq, lakin tədricən azalacaq.

Moskva Zooparkı qarşıdan gələn pis hava şəraiti ilə əlaqədar iyulun 5-i cümə günü fəaliyyətini müvəqqəti dayandırıb. Qurumun fəaliyyəti ilə bağlı gələcək qərarlar hava şəraitinə əsasən veriləcək. Moskvada mədəniyyət və istirahət parkları da hava şəraiti ilə əlaqədar müvəqqəti bağlanıb.

Poliqon.info