Estoniyanın baş naziri Kaya Kallas mövcud hökumət əleyhdarlarını vergiləri artırmaqla dövlət büdcəsini tarazlaşdırmağın zəruriliyini başa düşmədiklərinə görə tənqid edib...
Poliqon xəbər verir ki, bu barədə hökumət başçısı Estoniyanın "Vikerraadio" radiosunun efirində danışıb.Baş nazir qeyd edib ki, ona vergiləri artırmağa icazə verilməsə, ölkə BVF-nin birbaşa nəzarəti altına düşə bilər.
Ölkənin Maliyyə Nazirliyinin məlumatına görə, 2023-cü ildə Estoniyanın büdcə kəsiri ÜDM-in 3,5%-i və ya 1,3 milyard avro təşkil edib, 2024-cü ildə isə bu rəqəm ÜDM-in 5,3%-i və ya 2,2 milyard avro olacaq.
Kallas ölkə iqtisadiyyatındakı vəziyyəti dəhşətli adlandıraraq, mövcud vəziyyətə görə məsuliyyətin böyük hissəsinin sələflərinin üzərində olduğunu bildirib.
"Həqiqət budur ki, vəziyyət ağır olaraq qalır və sərt qərarlar qəbul edilməkdə davam etməli olacağıq. Əks halda Beynəlxalq Valyuta Fondunun (BVF) nümayəndə heyəti ölkəyə daha da sərt tələblərlə gələ bilər. ", deyə Kallas xəbərdarlıq edib.
Estoniya iqtisadiyyatı ardıcıl altı rübdür ki, uzunmüddətli tənəzzüldədir. 2022-ci ildə ÜDM cari qiymətlərlə 3% azalaraq 38 milyard avroya düşüb. Səbəblər Rusiya Federasiyası ilə əlaqələrin kəsilməsi fonunda Rusiyanın enerji resurslarından imtina nəticəsində enerji istehsalının 1/4 azalması, sənayenin 25%, nəqliyyat və logistika sektorunun isə 25% geriləməsi olub.
Poliqon.info
Digərxəbərlər
Populyar xəbərlər
