Atlantik okeanında Tobaqo adasının sahillərində əmələ gələn neft ləkəsi Bonaire (Karib dənizinin cənubundakı Venesuela sahillərində yerləşən ada) sahillərinə çatıb...
Poliqon xəbər verir ki, bu barədə Reuters Agentliyi yerli hakimiyyət orqanlarının bəyanatına istinadən yazıb.
Neft sızmasının dəqiq ölçüsü barədə məlumat verilmir. Tobaqodan Bonaireyə olan məsafə 800 km-dən çoxdur.
Neft sızması Tobaqo sahillərində barjanın qayaya çırpılması və aşması səbəbindən baş verib. Onunla bağlı ilk dəfə fevralın 7-də Trinidad və Tobaqo Sahil Mühafizəsi məlumat yayıb. Ekspertizanın nəticələrinə əsasən müəyyən edilib ki, Atlantik okeanının sularına daxil olan maddə mazut növüdür. Tobaqo səlahiyyətlilərinin məlumatına görə, barja ümumilikdə 35 min barel mazut daşıyırdı.
France 24-ün məlumatına görə, söhbət Qayanaya gedən Gulfstream barjasından gedir. Trinidad və Tobaqo Milli Təhlükəsizlik Naziri Fitzgerald Hinds "Biz bu mühüm məsələdə Qayana Sahil Mühafizəsi ilə sıx əməkdaşlıq edirik və onların tam dəstəyini yüksək qiymətləndiririk", deyib.
The Guardian yazır ki, barjanın çevrildiyi anda onun göyərtəsində insanların olub-olmadığı məlum deyil. Gəminin sahibi də müəyyən edilməyib.
Sızıntının aradan qaldırılmasında yüzlərlə insan iştirak edir. Tobaqo hakimiyyəti fövqəladə vəziyyət elan edib. AP xəbər verir ki, sızma rif və Atlantik okeanı çimərliklərinə ziyan vurub və Lambeau kənd sakinlərinə maska taxmaq və ya müvəqqəti ərazini tərk etmək tövsiyə olunub.
Poliqon.info
Digərxəbərlər
Populyar xəbərlər
