Zelenski Baydendən nə tələb edib?

Poliqon xəbər verir ki, bu barədə Neue Zürcher Zeitung (NZZ) qəzeti yazır.

"O, Baydendən Rusiya ərazisindəki hərbi hədəflərə Qərb silahları ilə hücum edə bilmək üçün bütün məhdudiyyətləri aradan qaldırmağı tələb etdi", deyə nəşr qeyd edib.

Ukrayna prezidenti bildirib ki, ölkə bu addımı gözləyir. Məqalədə deyilir Zelenski bu tələbi irəli sürüb, çünki Rusiya ərazisinə dərin zərbələr olmasa, Kiyev heç nə edə bilməyəcək.

"Xarkov yaxınlığındakı sərhəd bölgəsində məhdud icazə bu cür "dərin zərbələr"in nə qədər təsirli olduğunu göstərdi. Zelenskinin səbirsizliyi başa düşüləndir. Hücumlar Rusiyanın daha dərinliklərinə edilməsə, Ukraynanın itirilmiş əraziləri geri qaytarması çətin olacaq. Bayden indiyə qədər tərəddüd etsə də, Tramp Ağ Evə qayıdanda çətin ki, Amerika silahlarının belə istifadəsinə icazə versin. Tramp danışıqlar yolu ilə həlli Ukraynadakı müharibəni tez bir zamanda dayandıra biləcəyini iddia edir. Və Baydenin keçmiş prezidentlə fəlakətli televiziya debatından sonra Trampın ikinci müddətə namizədliyi getdikcə daha çox görünür", deyə qəzet qeyd edib.

Qeyd edək ki, bundan əvvəl ABŞ və bəzi Qərb ölkələri Ukraynaya təhvil verdikləri silahlarla Rusiya ərazisini vurmağa qoyulan bəzi qadağaları götürüb. Lakin bunlar daha çox sərhəd ərazilərdən Ukraynanı vuran obyektlərə qoyulan qadağalardır. Ukrayna bütün qadağaların ləğvini istəyir.

Poliqon.info