ABŞ prezidentliyinə namizəd Donald Tramp bildirib ki, prezident seçkilərində qalib gələrsə, qisas almayacaq və siyasi rəqiblərini təqib etməyəcək...
Poliqon xəbər verir ki, bu barədə siyasətçi Fox News telekanalına müsahibəsində bildirib. Trampın sözlərinə görə, onun qisas almağa vaxtı olmayacaq.
"Biz bu ölkəni yenidən uğurlu edəcəyik. Mənim qisas almağa vaxtım olmayacaq", deyə ABŞ-ın keçmiş prezidenti bildirib.
Sabiq prezidentin sözlərinə görə, son qisas ABŞ-ın uğuru olacaq: "Heç bir qisas olmayacaq. Əvəzində uğur da olacaq".
Bundan əvvəl Florida qubernatoru və Respublikaçılar Partiyasından prezidentliyə namizəd Ron DeSantis xəbərdarlıq etmişdi ki, Donald Tramp Ağ Evə qayıtsa, hakimiyyətdən siyasi rəqiblərinə qarşı istifadə edəcək. ABŞ-ın keçmiş baş prokuroru Bill Barr xəbərdarlıq edib ki, Tramp Ağ Evə qayıtsa, onun prezidentliyi məhsuldar olmayacaq, çünki demokratlara qarşı siyasi qisas almağa diqqət yetirəcək.
Qeyd edək ki, bu il ABŞ-da keçiriləcək prezident seçkilərində mübarizə aparacaq əsas namizədlərin kimliyi hələlik rəsmiləşməsə də, mübarizənin hazırkı prezident Co Bayden və sabiq dövlət başçısı Donald Tramp arasında gedəcəyi gözlənilir. Bayden dəfələrlə Trampı demokratiya üçün təhlükə adlandırıb və onun hakimiyyətə qayıdacağı halda siyasi rəqiblərindən qisas alacağını iddia edib.
Poliqon.info
Digərxəbərlər
Populyar xəbərlər
