Macarıstanın hakim FİDES partiyası müxalifətin İsveçin NATO-ya qəbulu ilə bağlı parlamentdə səsvermə keçirmək təklifini rədd edib...
Poliqon xəbər verir ki, bu barədə Demokratik Koalisiya Partiyasından olan deputat Aqnes Vadai məlumat verib. Deputatlar bu məsələyə növbəti dəfə noyabrda baxa biləcəklər.
“Bu həftə İsveçin NATO-ya qəbulu ilə bağlı səsvermə olmayacaq”,deyə xanım Vadai Facebook-da yazıb.
Qeyd edək ki, İsveç parlamenti ölkənin alyansa daxil olmasını martın 22-də, Finlandiya parlamenti isə martın 1-də analoji qərar qəbul edib. Finlandiya aprel ayında NATO-ya qəbul edilib. İsveçin müraciətləri yalnız Macarıstan və Türkiyə tərəfindən rədd edilib. Macarıstan Xarici İşlər Nazirliyi İsveç hakimiyyətini Macarıstanı qeyri-demokratik siyasətdə ittiham etdiyinə görə tənqid edir.
Oktyabrın 23-də Türkiyə prezidenti Rəcəb Tayyib Ərdoğan İsveçin NATO-ya qəbulu ilə bağlı protokol imzalayıb, oktyabrın 25-də isə Türkiyə parlamenti ərizəni təsdiqləyib. Sənəd baxılması üçün Xarici Əlaqələr Komitəsinə təqdim edilib.
Poliqon.info
Digərxəbərlər
Populyar xəbərlər
