Moldova prezidenti Maya Sandu hakim Fəaliyyət və Həmrəylik Partiyasının (PDS) süqutu fonunda keçmiş xarici işlər naziri Nikolae Popeskunun rəhbərliyi altında yeni Avropa üçün Vətəndaşlar Partiyası yaradır...
Poliqon xəbər verir ki, bunu Moldovanın keçmiş baş naziri Vladimir Filat Unimedia telekanalının efirində deyib. Keçmiş baş nazir iddia edir ki, eni partiya hazırkı dövlət başçısının yenidən seçilməsinə çalışacaq.
"Sandunun yeni partiyası hakimiyyətindən narazı olanları birləşdirəcək, lakin yenə də onu dəstəkləyəcək. Söhbət Niku Popeskunun rəhbərlik edəcəyi Avropa üçün Vətəndaşlar Partiyasından gedir. Yeni partiyanın əsas müzakirə mövzusu Sandunun ikinci müddətə yenidən seçməsinə nail olmaqdır", deyə sabiq baş nazir bildirib.
Bundan əvvəl "Şans" müxalifət partiyasının lideri Aleksey Lunqu demişdi ki, Maya Sandu respublikada yeni medianın qarşısını almaqla söz azadlığını boğmağa başlayıb. Müxalifətçi qeyd edib ki, Moldovanın indiki hakimiyyəti medianı yalnız onlara işləyəcək dördüncü hakimiyyətə çevirməyə çalışır. Lunqunun sözlərinə görə, əgər kimsə bu cür hərəkətlərlə razı deyilsə, onlar təzyiq və repressiya ilə üzləşirlər.
Poliqon.info