İran və Rusiya arasında hərtərəfli strateji tərəfdaşlıq haqqında saziş layihəsi prezidentlər tərəfindən nəzərdən keçirilir və yaxın vaxtlarda imzalanacaq...
Poliqon xəbəbr verir ki, bunu İranın Moskvadakı səfiri Kazem Cəlali TASS Agentliyinə bildirib.
“Bu layihə üzərində iki ölkənin Xarici İşlər nazirliklərinin hüquq idarələri işləyir. Müqavilə baxılması üçün prezident administrasiyasına təqdim edilib. Hazır olan kimi sənəd iki dövlət başçıları tərəfindən imzalanacaq. Düşünürəm ki, yaxın gələcəkdə olacaq”, deyə İranın diplomatik missiyasının rəhbəri imzalanma perspektivlərini TASS Agentliyinə şərh edərkən qeyd edib.
Bundan əvvəl TASS-a müsahibəsində Rusiya Federasiyası xarici işlər nazirinin müavini Andrey Rudenko qeyd edib ki, iyunun 21-də Moskvada iki ölkənin Xarici İşlər Nazirliyinin hüquq və ərazi idarələrinin ekspertlərinin məhsuldar məsləhətləşmələri zamanı , müvafiq müqavilənin mətnini yekunlaşdırmaq mümkün olub. Ən yüksək səviyyədə ən yaxın ikitərəfli təmaslardan biri çərçivəsində sazişin imzalanmağa hazırlanması üçün zəruri olan dövlətdaxili prosedurların başlanması razılaşdırılıb.
Poliqon.info