Çin prezidenti Si Tsinpin Çin vətəndaşlarını qeyri-rəsmi casus detektoru olmağa təşviq edərək, milli təhlükəsizliyə diqqətini artırır...
Poliqon xəbər verir ki, bu barədə bu barədə Bloomberg Agentliyinin məlumatında bildirilir. Agentlik yazır ki, Pekinin aparıcı universitetlərində tələbələri plakatlar və aksiyalar vasitəsilə casusluğa qarşı mübarizədə ayıq-sayıq olmağa çağırırlar.
Bloomberg qeyd edir ki, bu kampaniyaların arxasında Çin Dövlət Təhlükəsizlik Nazirliyinin təşəbbüsü dayanır. Qeyd edilir ki, bu il Çin Dövlət Təhlükəsizlik Nazirliyi casusluq əleyhinə mesajlar göndərmək üçün WeChat sosial platformasından istifadə etməyə başlayıb. Çinin təhlükəsizlik orqanı bu yaxınlarda bildirib ki, kiberhücumların qarşısının alınması kollektiv səy tələb edir.
Bloomberg-in yazdığına görə ümummilli səviyyədə bir casusun müvəffəqiyyətlə müəyyən edilməsinə görə 500.000 yuan mükafat ödənilir ki, bu da vətəndaşların əhəmiyyətsiz məsələlərlə bağlı başqaları haqqında məlumat verməsi hallarının artmasına gətirib çıxarır. Xəbərdə qeyd edilir ki, bu il Si Tsinpin xarici təhlükələrlə təbii fəlakətləri eyniləşdirərək xarici təhdidlərlə mübarizəyə üstünlük verib. Qanunvericilik tədbirləri casusluq əleyhinə qanunları, eləcə də enerji kimi sənaye sahələrində xarici təsir iddialarını gücləndirib.
Bloomberg yazır ki, Çin ölkə daxilində casuslar axtararkən, Böyük Britaniya və ABŞ kimi ölkələr Pekinə casusluq etməkdə şübhəli bilinən insanları həbs edir.
Poliqon.info
Digərxəbərlər
Populyar xəbərlər
