Si Tsinpin G20 sammitində iştirak etməyəcək, öz yerinə Baş nazir Li Tsyanı göndərəcək...
Poliqon xəbər verir ki, bu barədə Reuters Agentliyi Hindistan və Çindəki vəziyyətlə tanış olan mənbələrə istinadən məlumat yayıb. Agentlik yazır ki, Çin lideri Si Tsinpin yəqin ki, Hindistanda keçiriləcək G20 sammitinə getməyəcək və öz yerinə Baş nazir Li Tsyanı göndərəcək.
Xəbərdə deyilir ki, ikisi Hindistan rəsmisi, biri də Çindən olan diplomat, digəri G20 ölkəsinin hökumətində çalışan başqa bir məmur olmaqla 4 mənbə 9-10 sentyabrda Yeni Dehlidə keçiriləcək toplantıda Pekini baş nazir Li Tsyanınn təmsil edəcəyinin gözlənildiyini söyləyib.
Agentliyin məlumatına görə, Hindistanda keçirilən sammit Si Cinpin və onun iştirakını təsdiqləyən ABŞ prezidenti Co Baydenin görüş yeri kimi qiymətləndirilib. Gözlənilirdi ki, tədbir zamanı iki dövlət başçıları bir sıra ticarət və geosiyasi ziddiyyətlər səbəbindən korlanmış münasibətləri sabitləşdirməyə çalışacaqlar.
Qeyd edək ki, Si Tsinpin sonuncu dəfə ötən ilin noyabrında İndoneziyada keçirilən G20 sammiti çərçivəsində Baydenlə görüşüb.
Poliqon.info