Peskov bildirib ki, Moskva şərtlərinə əməl olunarsa, taxıl müqaviləsinə qayıtmağa hazırdır...
Rusiya prezidentinin mətbuat katibi Dmitri Peskov bildirib ki, Rusiya şərtlərini yerinə yetirdikdən sonra taxıl müqaviləsində iştirakını bərpa etməyə hazırdır.
Poliqon xəbər verir ki, bu barədə “RİA Novosti” Agentliyinin məlumatında bildirilir.
“Moskva dərhal taxıl müqaviləsinə qayıtmağa hazırdır. Lakin Rusiya üçün şərtlər yerinə yetirildikdən sonra”, deyə Dmitri Peskov jurnalistlərə bildirib.
Bir gün əvvəl ABŞ-ın BMT-dəki səfiri Linda Tomas-Qrinfild bildirmişdi ki, Vaşinqtonda olan məlumata görə, Rusiya taxıl sazişinin müzakirəsinə qayıtmağa hazırdır.
Qeyd edək ki, iyulun 17-də Rusiya şərtlərini yerinə yetirmədiyini iddia edərək taxıl müqaviləsində iştirakını dayandırdığını elan edib. Rusiya tərəfi iddia edir ki, Rusiya kənd təsərrüfatı məhsullarının ixracına qoyulan məhdudiyyətlərin aradan qaldırılması ilə bağlı taxıl sazişinin ikinci hissəsi yerinə yetirilməyib.
Poliqon.info
Digərxəbərlər
Populyar xəbərlər
