Vaşinqton görüşünün nəticəsiz “sülhü”... - Putin və Paşinyan məsələni Qafqaz daxilində tutmağa çalışırlar?

Siyasi-şərhçi: “Azərbaycanla Ermənistan arasında münasibətlərin normallaşdırılması ilə bağlı bu gün Qərbin ortaya qoyduğu mövqe Rusiyadan daha səmərəli görünür”.

“Vaşinqton variantı Moskva variantından fərqli olaraq Azərbaycanın ərazi bütövlüyünü tanıyır. Bu səbəbdən hesab edirəm ki, biz Moskva görüşlərindən uzaqlaşaraq Qərbin vasitəçiliyinə üstünlük verməliyik”.

Bu sözləri siyasi-şərhçi Kamran Məmmədli Azərbaycanla Ermənistan arasında son günlərdə baş verən prosesləri Poliqon-a şərh edərkən qeyd edib.

Ermənistamın Baş naziri Nikol Paşinyan bildirib ki, hazırda sülh müqaviləsi bağlana bilməz. Çünki fikir ayrılıqları aradan qaldırılmayıb. Rusiya XİN iddia edir ki, Ermənistan və Azərbaycan arasında qaynar münaqişə Putinin səyləri nəticəsində sönüb. Kremlin sözçüsü Dmitri Peskovun fikrincə isə, Rusiya Azərbaycan və Ermənistan liderlərinin üçtərəfli razılaşmaları Qarabağ üzrə nizamlanmalar üçün yeganə hüquqi əsasdır. Bu gün də Paşinyan Rusiyaya səfər edəcək.

Bütün bunlara görə demək olarmı ki, nüfuzunu qorumaq istəyən Rusiya və hakimiyyətini qorumaq istəyən Paşinyan məsələni Qafqaz daxilində tutmağa çalışırlar?

Mövzunu Poliqon-un əməkdaşı AĞ Partiya Mərkəzi Aparatının rəhbəri, siyasi-şərhçi Kamran Məmmədli ilə müzakirə edib.

Kamran Məmmədli: “Rusiyaya bu bölgədə daim qan və qeyri-stabillik lazımdır. Belə bir düşüncədə olan ölkədən necə səmərəli sülhün təşkil edilməsini gözləmək olar?”.

Rusiyanın onsuz da hazırda beynəlxalq aləmdə nüfuzunun çox aşağı olduğunu və işğalçı dövlət kimi tanıdığını xatırladan ekspert Poliqon-a açıqlamasında qeyd edib ki, Rusiya ilə birlikdə danışıqlarda iştirak etməyin özü belə həmən iştirakçı ölkələrin özlərinə mənfi təsir göstərə bilər:

“Bildiyiniz kimi, Rusiya Qərbin təşkilatçılığı ilə keçirilən istənilən prosesi qəbul etmir və bu proseslərə mane olmaq üçün əlindən gələni etmək istəyir. Bundan öncədə xatırlayırsızsa, Qərbdə keçirilən üç tərəfli görüşlərdən sonra mütləq növbəti görüş Rusiyada keçirilirdi. Rusiya bütün imkanlardan istifadə edərək bu prosesi uzatmaq istəyir. Moskvanın başı bir tərəfdən Ukraynaya qarışmışkən, bölgədə yeni münaqişənidə istəmir.

Ancaq Azərbaycanla Ermənistan arasında münasibətlərin normallaşdırılması ilə bağlı bu gün Qərbin ortaya qoyduğu mövqe Rusiyadan daha səmərəli görünür. Bunu hətta çıxışlarının birində Vaşinqton-Moskva variantları haqda danışarkən Vladimir Putin özü də etiraf edib.

Kamran Məmmədli: “Rusiyaya 30 ildən çox zamandır ki, güvənərək proseslərdə yer verdik. İndidə artıq Rusiyasız bu prosesi davam etdirməliyik”.

Vaşinqton variantı Moskva variantından fərqli olaraq Azərbaycanın ərazi bütövlüyünü tanıyır. Bu səbəbdən hesab edirəm ki, biz Moskva görüşlərindən uzaqlaşaraq Qərbin vasitəçiliyinə üstünlük verməliyik. Eyni zamanda Ermənistanıda bunu qəbul etməyə məcbur etməliyik. Çünki Rusiyanın zatən hazırda beynəlxalq aləmdə nüfuzu çox aşağıdır və işğalçı dövlət kimi tanılır. İndi Rusiya ilə birlikdə danışıqlarda iştirak etməyin özü belə həmən iştirakçı ölkələrin özlərinə mənfi təsir göstərə bilər.

Bütün bunları nəzərə alaraq artıq Rusiyanı proseslərdən kənarlaşdırmaq lazımdır. Çünki artıq anlamaq lazımdır ki, Rusiyaya bu bölgədə daim qan və qeyri-stabillik lazımdır. Belə bir düşüncədə olan ölkədən necə səmərəli sülhün təşkil edilməsini gözləmək olar? Özü işğal siyasəti apardığı halda başqalarına sülhdən necə danışa bilər?

Rusiyaya 30 ildən çox zamandır ki, güvənərək proseslərdə yer verdik. Fikrimcə, indidə artıq Rusiyasız bu prosesi davam etdirməliyik”.

Nərminə UMUDLU
Poliqon.info