“Fast food” restoranlarında qidalarda 5-ci dad yaradan maddə - Araşdırma

Bu maddə qəbul etdiyimiz qidalarda 5-ci dad yaradır. Ondan daha çox hamımızın azı bir dəfə üz tutduğumuz, uşaqlarımızın sevimli məkanı olan “fast food” restoranlarında daha çox istifadə edilir. Lakin xüsusilə də uşaqlarımızın sağlamlığı baxımından hansı müsbət və mənfi təsirlərinin olduğundan o qədər də məlumatlı deyilik... 

“Kaspi” qəzeti sözügedən maddə ilə bağlı məqalə dərc edib. Məqalədə deyilir:  

“Ratatouille” cizgi filmində bir səhnə var. Baxanlar xatırlayar. Dequstator Anton Ego “Ratatuy” adlanan yeməyi dadan kimi üz ifadəsi dəyişir. Keçmişə qayıdır, anasının bişirdiyi yeməyin ətrini, dadını bütün dərinliyinə qədər hiss edir. Bu yeməyin içində nə var ki, Anton Egonu uşaqlığına aparır? Deyirlər, aşpazın yeməklərinin sirri Monosodyum Glutamat adlanan maddədir. Xalq dilində buna Çin duzu da deyilir. Əsasən zərərli olaraq bilinir. Bəs əslində bu maddə nədir?

4 dadı birləşdirib 5-cini ortaya çıxarır

Qida məsələləri üzrə ekspert Ağa Salamov dedi ki, Çin duzu əsasən xaricdən gətirilən məhsullarda olur: “Bu maddə Monosodyum Glutamat E 621 kodu ilə tanınır. Umami - yəni 5-ci dad verən bir maddədir. Turş, acı, şirin, duzlu - 4 dadı birləşdirib 5-cini ortaya çıxarır. Bəzən insanlar bu qatqı maddəsinin istifadə olunduğu məhsullardan asılı qalır. Ölkəyə idxal olunan kolbasa məmulatları, “fast food” ətləri, toyuqları, qırmızı ət məhsulları, hazır şorbalar, konservləşdirilmiş məhsullar və s. Çin duzuna rast gəlmək olar”.

Poliqon.info