Şolts Almaniyanın 2022-ci ildə Ukraynaya nə qədər xərclədiyini açıqlayıb…
Poliqon.info xəbər verir ki, Almaniya kansleri Olaf Şolts CNN telekanalına müsahibəsində 2022-ci ildə Almaniyadan Ukraynaya yardımın ümumi məbləği təxminən 14 milyard avro təşkil etdiyini bildirib.
Kansler qeyd edib ki, Berlin Kiyevi lazımi silah və maliyyə yardımı ilə təmin edir. Şoltsun sözlərinə görə, Almaniya kontinental Avropada Ukrayna dövlətinin “ən böyük donoru” olub.
“Bu və ya digər şəkildə biz keçən il Ukraynaya 14 milyard avro vermişik və bunu davam etdirəcəyik”, deyə Şolts deyib.
Almaniya İqtisadi Tədqiqatlar İnstitutunun (DIW) prezidenti Marsel Fratsşer daha əvvəl bildiriib ki, Almaniya Rusiyanın Ukraynadakı xüsusi hərbi əməliyyatı və bununla əlaqədar Avropada elektrik enerjisi xərclərinin artması nəticəsində ötən il 100 milyard avro itirib.
Qeyd edək ki, Almaniya prezidenti Frank-Valter Ştaynmayer Almaniya vətəndaşlarını Ukraynaya əlavə yardım göstərməyə çağırıb.
Poliqon.info