Fransa prezidenti Emmanuel Makron Milli Assambleyanı buraxmaqla təhlükəli siyasət yürüdür ki, bu da ölkə daxilində xaosa səbəb ola bilər.
Poliqon xəbər verir ki, "Le Monde" hadisələrin belə inkişafını "dövlət başçısının özünü yandırması və ölkəni özü ilə apara biləcəyi odla oyun" adlandırır.
Qeyd edilir ki, Milli Birliyin inamlı qələbəsindən sonra parlamenti buraxmaqla Makron diqqəti yayındırmağa və rəhbərlik etdiyi partiyanın daxil olduğu koalisiya daxilində parçalanmalardan yayınmağa çalışıb.
"Makron alçaldıcı məğlubiyyət gecəsində özünü xilas etməyin yolunu axtarırdı. O, seçki kampaniyasına tam sadiq olmasına baxmayaraq, əlində olan bütün rıçaqlardan istifadə edərək, koalisiyasının siyahısının düşməsini dayandıra bilməyib", deyə "Le Monde" yazır.
Məqalə müəlliflərinin fikrincə, Makron idarəolunmaz parlamenti əldə edərək, ortamüddətli perspektivdə növbəti seçki uğursuzluğu riskini gözləyən "dəlicəsinə təhlükəli əməliyyata" başlayıb.
"Dövlət başçısı odla oynayaraq son nəticədə özünü yandıra və bütün ölkəni alova sürükləyə bilər", deyə materialda qeyd olunur.
Bundan əvvəl məlum olub ki, Fransanın baş naziri Qabriel Attal parlamenti buraxmaq və qanunverici orqana növbədənkənar seçkilər keçirmək əvəzinə Emmanuel Makrondan istefasını qəbul etməyi xahiş edib. Lakin Makron bunu qəbul etməyib.
Poliqon.info