İran Xarici İşlər Nazirliyinin sözçüsü Nasser Kanani ABŞ və Fransa prezidentlərinin birgə bəyanatını pisləyib və orada Tehrana qarşı irəli sürülən “əsassız və qəbuledilməz ittihamları” rədd edib...
Poliqon xəbər verir ki, bu barədə İslam Respublikası Xarici İşlər Nazirliyinin rəsmi Telegram kanalında yerləşdirilmiş bəyanatında deyilir.
İran Xarici İşlər Nazirliyinin bəyanatında deyilir: "Kənani anti-İran bəyanatını əsassız və siyasi məqsədlər güdüən bir bəyanat olaraq dəyərləndirib”.
“İran İslam Respublikasının regionda və dünyada sabitlik və təhlükəsizliyin bərqərar olması və möhkəmləndirilməsində, beynəlxalq təhlükəsizliyin möhkəmləndirilməsi üçün terrorçu qruplarla mübarizədə rolu danılmazdır”, deyə rəsmi nümayəndə vurğulayıb. Bundan əlavə, Kənani Tehranın beynəlxalq hüquq və öhdəliklər çərçivəsində Beynəlxalq Atom Enerjisi Agentliyi ilə texniki əməkdaşlığa sadiqliyini təsdiqləyib.
Qeyd edək ki, Fransa prezidenti Emmanuel Makron Amerika lideri Co Baydenlə Yelisey sarayında danışıqlardan sonra keçirdiyi birgə mətbuat konfransında bildirmişdi ki, Paris və Vaşinqton İrana təzyiq göstərmək niyyətindədir. Makron bunu İranın regionda sabitliyi pozması ilə əlaqələndirmişdi.
Poliqon.info
Digərxəbərlər
Populyar xəbərlər
