Ronaldo Qızıl Top-u 600 min avroya satdı

PİA.az NTV-yə istinadən xəbər verir ki, ilin futbolçusuna verilən mükafatlardan biri olan Qızıl Top-u 5 dəfə qazanan Ronaldo mükafatlarının bir hissəsini satmaq qərarına gəlib.

Xəbərə görə, 37 yaşlı ulduzun 2013-cü ildə qazandığı Qızıl Top-u Londonda keçirilən xeyriyyə hərracında İsrailin ən varlı adamı İdan Ofer alıb.

Hərraca çıxarılan “Ballon d'Or” mükafatı 600 min avro təklif edən Oferə satılıb. Bildirilib ki, bu qonorar birbaşa olaraq ağır xəstələrin istəklərini yerinə yetirən uşaq xeyriyyə fonduna keçəcək.

Ronaldonun özü hərracda iştirak etmədiyi halda, mükafatın Oferə çatdırılmasına onun məşhur meneceri Xorxe Mendeş cavabdeh olub.

Qeyd edək ki, Ronaldo 2008, 2013, 2014, 2016 və 2017-ci illərdə 5 dəfə Qızıl Top-u qazanıb.

pia.az