Twitter-in yeni sahibi İlon Mask ABŞ hökumətinin ictimaiyyətdən gələn məlumatlara senzura qoymaq üçün Twitter-ə milyonlarla dollar ödədiyini bildirib...
PİA.az Türkiyə mətbuatına istinadən xəbər verir ki, İlon Mask Twitter-dakı son yazısında təxminən iki həftədir “Twitter Sənədləri” adı altında etdiyi bəzi açıqlamalar verib. “Twitter Files” bölməsinin 7-ci hissəsindəki məlumata görə, Federal Təhqiqat Bürosunun (FTB) məmurları senzura və digər tələbləri yerinə yetirmək üçün Twitter işçilərinə və digər sosial media platformalarında çalışanlara milyonlarla dollar əlavə iş haqqı ödəyiblər.
Maykl Şellenberqer adlı müstəqil bir jurnalist Maskın tweetlərində yazdığı kimi, FTB-nin təsir kampaniyası çərçivəsində iş vaxtından artıq çalışan işçilər üçün Twitter-a milyonlarla dollar ödəməsi faktından bəhs edib. Həmçinin, gizli xidmətin quruma 2019-2021-ci illər arasında 3 milyon 415 min 323 dollar ödədiyini sənədləşdirən daxili yazışmaların ekran görüntüsünü paylaşıb.
Başqa bir yazıda İlon Mask Nümayəndələr Palatasının Kəşfiyyat İdarəsinin sədri Adam Şiffə: “Siz Nümayəndələr Palatasının Kəşfiyyat sədri kimi ABŞ Konstitusiyasını birbaşa pozan gizli dövlət senzurasını təsdiqləmisinizmi?” sualını vermişdi.
ABŞ qəzetlərini də hədəf alan Mask: “Qəzetlər sadəcə internetdə axtarış edib, bunu yayımlayırlar”, deyib.
pia.az