İran İslam İnqilabı Keşikçiləri Korpusu (SEPAH) İranın İsfahan şəhərində dünən baş vermiş terror aktı ilə bağlı bəyanat yayıb…
PİA.az xəbər verir ki, açıqlamada İsfahanda törədilən terror aktı nəticəsində 2 təhlükəsizlik əməkdaşı həlak olduğu, 8 nəfərin də yaralandığı bildirilir.
İslam İnqilabı Keşikçiləri Korpusunun İctimaiyyətlə Əlaqələr İdarəsi qeyd edir ki, ölən Məhəmməd Hüseyn Kəriminin 30, Möhsün Həmidinin 54 yaşı olub.
Təsnim agentliyi isə xəbər verir ki, bu terror aktı zamanı 7-si xüsusi təyinatlı, biri isə Bəsic qüvvələrindən olmaqla 8 nəfər yaralanıb.
Agentlik qeyd edir ki, dünən yerli vaxtla saat 21:00 radələrində üç motosikletli naməlum şəxs Bəsic qüvvələrinin İsfahandakı bazasına hücum edərək, oradakı təhlükəsizlik qüvvələrinə atəş açıb, bundan sonra qaçıblar. Hücum edənlərin İŞİD mənsubları olduğu qeyd olunur.
pia.az