Nəşi tapılan hərbçimizin atası: "Həmişə deyirdi ki, istəyirəm..."

İki ildən sonra qalıqları tapılan hərbçilərimiz donvurmadan ölüb - Rəsmi
Onlar yüksək dağlıq və çətin relyefli ərazidə hava şəraitinin qəfil dəyişməsi və çovğun səbəbindən istiqaməti itirərək itkin düşüblər.

Nəşi tapılan hər iki hərbçimiz 2003-cü il təvəllüdlüdür.

Poliqon xəbər verir ki, Firdovsi Abdullayevin atası Mais Abdullayev Modern.az-a açıqlamasında bildirib ki, oğlu cümə axşamı günü Gəncə şəhər Şəhidlər Xiyabanında dəfn ediləcək.

O, iki il ərzində oğlunun sağ olduğuna ümidli olduqlarını deyib:

"Bu iki il ərzində oğlumuzun sağ olmasına ümidliydik. Ümumiyyətlə, onun tapılıb bizə təhvil veriləcəyinə inanırdıq. Allah Prezidentimizin canını sağ eləsin! Qurumlara lazımi tapşırıqlarını verdi, nəticədə, uşağımızı tapıb bizə verdilər".

M.Abdullayev oğlunun güləşçi olmaq istədiyini bildirib:

"Mənim oğlum güləşçi idi. Medalları da var. Goranboyda da, Türkiyədə də güləşib. Daha sonra qaydasız döyüşlə məşğul olmağa başladı. Həmişə də deyirdi ki, istəyirəm güləşçi olum. Hərbi xidmətə gedəndən sonra isə zabit kimi qalmaq istəyirdi".

Poliqon.info