Rus Pravoslav Kilsəsinin Patriarxı Kirillin Avropa İttifaqının sanksiya siyahısına daxil edilməsinə qarşı çıxan Macarıstan daha 3 nəfərin 11-ci sanksiyalar paketindən çıxarılmasını tələb edir...
Poliqon xəbər verir ki, ümumilikdə layihə 72 nəfərə qarşı sanksiyaların tətbiqini nəzərdə tutur. Macarıstan onlardan üçünə məhdudiyyətlərin tətbiqinə qarşıdır. Bu barədə “Azadlıq” radiosunun müxbiri Rikard Yozviak bildirib.
“Macarıstan indi Ukraynanın suverenliyinə xələl gətirdiyinə görə sanksiya üçün təklif edilən 72 nəfərdən 3-nü siyahıdan çıxarmaq istəyir. Üçlüyə Belarus Dəmir Yollarının rəhbəri Vladimir Morozov da daxildir”, deyə o, Twitter-də yazıb.
Qeyd edək ki, Avropa İttifaqı Rusiyaya 11-ci sanksiyalar paketini hazırlayır.
Poliqon.info