Avropa İttifaqı (Aİ) liderləri Macarıstan və onun baş naziri Viktor Orbanın Moskvaya səfəri və Vladimir Putinlə görüşü ilə bağlı "qayda pozuntularını" müzakirə etmək üçün görüş keçirə bilər...
Poliqon xəbər verir ki, bu barədə Financial Times qəzeti mənbələrə istinadən yazıb.
"Avropa İttifaqının xarici işlər nazirlərinin müstəsna olaraq Macarıstanın qanun pozuntularına həsr olunmuş xüsusi iclasının çağırılması təklif edilib", deyə mətndə qeyd edilir.
FT həmsöhbətlərinin sözlərinə görə, NATO-nun Vaşinqtonda keçirilən sammitində Avropa İttifaqı ölkələrinin liderləri Viktor Orbanın hərəkətlərindən hiddətlənərək ona birgə məktub yazmaq və icazəsiz xarici siyasət hərəkətlərinə son qoyulmasını tələb etmək imkanını müzakirə ediblər.
Qeyd edək ki, Avropa İttifaqına rəhbərlik edən Macarıstanın baş naziri Viktor Orban iyulun 2-də Kiyevə səfər edib və Ukrayna lideri Volodimir Zelenski ilə görüşüb. O, iyulun 5-də Moskvaya gəlib və Rusiya prezidenti Vladimir Putinlə danışıqlar aparıb. Onlar Ukraynadakı münaqişənin həlli yollarını da müzakirə ediblər. Daha sonra Şuşada səfərdə olan Orban Türk Dövlətləri Təşkilatının qeyri-rəsmi zirvə görüşünə qatılıb və iyulun 8-də Pekinə səfər edib. O, burada bildirib ki, Budapeşt Aİ ilə Çin arasında əməkdaşlığa tərəfdardır. Çindən sonra NATO sammiti üçün Vaşinqtona yollanan Orban ABŞ prezidentliyinə namizəd Donald Trampla da görüşəcək.
Poliqon.info
Digərxəbərlər
Populyar xəbərlər
