Ukraynaya yeni yardımların göstərilməsi çərçivəsində ABŞ əsas diqqətini Ukrayna qoşunlarının cəbhədəki təcili ehtiyaclarına yönəltməyi, daha sonra isə Rusiya təcavüzünü dəf etmək üçün uzunmüddətli strategiyasını nəzərdən keçirməyə keçməyi planlaşdırır...
Poliqon xəbər verir ki, bu barədə Ağ Evin nümayəndəsi Con Kirbi brifinqdə bildirib.
"Söhbət əlavə maliyyə ala bildiyimiz anda, Senat bunu qəbul edən kimi biz onlara döyüş meydanında dəyişikliklər etməyə başlamaq üçün lazım olan kritik ləvazimatları və silahları ala biləcəyimizə əmin olmaqdan gedir. Donbasda heç də hər şey ukraynalıların xeyrinə getmir və şübhəsiz ki, ölkənin başqa yerlərində də belədir. Beləliklə, prezident Co Bayden qanun layihəsi masasına çatan və onu imzalayan kimi, biz onlara indi ən çox ehtiyac duyduqları imkanları verəcəyik", deyə Kirbi bildirib.
Onun sözlərinə görə, yay-payız aylarına yaxın ABŞ yardım paketlərini bu ehtiyacları ödəməyə uyğunlaşdırmaq və Rusiyanın təcavüzünü dəf etmək üçün uzunmüddətli strategiya ilə bağlı Ukrayna ilə məsləhətləşmələri davam etdirəcək.
O vurğulayıb ki, sənəd ABŞ prezidentinin masasına çatan kimi, ən qısa zamanda onu imzalayacaq.
"Mən sizi əmin edə bilərəm ki, siz Ukraynaya təhlükəsizlik üzrə ilk yardım paketini bundan az sonra görəcəksiniz", deyə Kirbi əmin edib.
Poliqon.info
Digərxəbərlər
Populyar xəbərlər
