Kim Çen In Hərbi Dəniz Qüvvələrini nüvə qüvvələrinin bir hissəsi edəcək

Poliqon xəbər verir ki, bunu Şimali Koreya lideri Kim Çen In qızı ilə birlikdə Dəniz Qüvvələri Günü münasibətilə dəniz komandanlığına səfəri zamanı deyib.

"Bundan sonra KPA Hərbi Dəniz Qüvvələri strateji vəzifələri yerinə yetirmək üçün nəzərdə tutulmuş dövlətin nüvə hücumunun qarşısının alınması qüvvələrinin tərkib hissəsinə çevriləcək", deyə Şimali Koreya lideri bildirib.

Kim Çen In deyib ki, bütün qoşun növlərinin hissələri yeni silahlarla təmin olunacaq. O, həmçinin Koreya Fəhlə Partiyası Mərkəzi Komitəsinin vahid rəhbərlik sistemini Hərbi Dəniz Qüvvələrini “müharibəyə hazır vəziyyətə" gətirməyi tapşırıb.

Şimali Koreya lideri hesab edir ki, Koreya yarımadasının ətrafındakı sular hazırda “dünyanın ən böyük hərbi texnika cəmləşdiyi əraziyə və nüvə müharibəsi riski olan ən qeyri-sabit su ərazisinə” çevrilib. O, buna görə ABŞ, Yaponiya və Cənubi Koreyanı günahlandırıb.

Poliqon.info