Kəlbəcərdə itkin düşən Təranə Zeynalovanın qalıqları Bərdədə dəfn olunub - Foto, Yenilənib

APA xəbər verir ki, Təranə Davudovanın nəşinin qalıqları Bərdə rayonunda yerləşən keçmiş məcburi köçkün qəsəbəsinə gətirilib.

Burada şəhidlə vida mərasimi keçirilib.

Şəhidin nəşinin qalıqları Bərdə Şəhidlər xiyabanında dəfn olunub.

Qeyd edək ki, Təranə (Əsmayə) Davud qızı Zeynalova 1970-ci ildə Kəlbəcərdə anadan olub. O, 1993-cü il martın 31-də Kəlbəcər rayonunun Qamışlı kəndi istiqamətində, “Tunel” deyilən yerdə qardaşları Məhəmməd, Nizami və Farizlə birgə itkin düşüb.

Onun nəşinin qalıqları Laçının Malıbəy kəndi istiqamətində tapılıb.

***

Qalıqları aşkar edilən Birinci Qarabağ müharibəsində itkin düşmüş hesab olunan mülki şəhid Təranə (Əsmayə) Davud qızı Zeynalovanın meyitinin qalıqları Bərdə rayonuna gətirilib.

“Report”un Qarabağ bürosunun məlumatına görə, şəhidin nəşi Bərdə rayonunda ailəsinə təhvil verilib.

Qeyd edək ki, Təranə (Əsmayə) Davud qızı Zeynalova 1970-ci il iyunun 1-də anadan olub. O, 1993-cü il martın 31-də Kəlbəcər rayonunun Qamışlı kəndi istiqamətində (“Tunel” adlanan ərazi) itkin düşüb. T.Zeynalovanın qalıqları Xocalı rayonunun Malıbəyli kəndindəki məzarlıqda aşkar edilib.

T.Zeynalova Bərdə şəhəri Şəhidlər xiyabanında dəfn olunacaq.

Poliqon.info