Keçmiş kəşfiyyatçı: NATO Rusiya ilə birbaşa toqquşmada qalib gəlməyəcək

Poliqon xəbər verir ki, bunu ABŞ ordusunun keçmiş kəşfiyyatçısı Skot Ritter "YouTube" kanalı "Danny Haiphong"a müsahibəsində bildirib.

Onun sözlərinə görə, əgər əvvəllər NATO-nun ən müasir orduları və hərbi texnikası olduğu görünürdüsə, əslində bütün bunların heç bir faydası olmayan "zibil" olduğu ortaya çıxır.

Skot Ritter hesab edir ki, Almaniya Bundesveri xüsusilə degenerasiyaya uğrayıb. O qeyd edib ki, Qərbin Rusiyaya qarşı tətbiq etdiyi sanksiyalara görə Almaniyanın sənaye potensialının səviyyəsinin aşağı düşməsi almanların öz ordusunu tanklarla təmin edə bilməməsinə gətirib çıxarıb.

Keçmiş kəşfiyyatçı hazırkı Almaniya ordusunu tənqid edib. Onun sözlərinə görə, indi bu, heç vaxt texnikada məcburi yürüşlər etməmiş və heç bir güclü tərəfi olmayan "kök adamlardan" ibarətdir.

Skot Ritterin fikrincə, bu prosesdə yaxşı xəbər odur ki, Rusiya Almaniyaya hücum etmək niyyətində deyil.

Poliqon.info