Estoniyanın baş naziri Kaya Kallas deyib ki, Ukraynanın müttəfiqləri Kiyevə kömək etmək üçün Rusiyanın dondurulmuş aktivlərindən istifadə etməlidir...
Poliqon xəbər verir ki, baş nazir bu barədə X sosial şəbəkəsindəki səhifəsində yazıb.
Onun sözlərinə görə, sonda Rusiya dəymiş ziyanı ödəməli olacaq.
Kaya Kallas onu da xatırladıb ki, Estoniya parlamenti artıq Rusiya aktivlərinin Ukraynaya verilməsinə icazə verən qanun qəbul edib. O, digər dövlətlərin də Tallindən nümunə götürəcəyinə ümid etdiyini bildirib.
Ötən həftə "Reuters" yazıb ki, ABŞ prezidenti Co Bayden və Fransa prezidenti Emmanuel Makron Rusiyanın dondurulmuş aktivlərindən əldə edilən gəlirlərin istifadəsi ilə bağlı razılığa gəliblər.
Bundan əvvəl Amerika liderinin milli təhlükəsizlik üzrə köməkçisi Ceyk Sallivan brifinq zamanı bildirmişdi ki, Vaşinqton ABŞ və Fransa prezidentlərinin görüşündən sonra Rusiyanın dondurulmuş aktivlərinə həbs qoyulması ilə bağlı yeni açıqlamalar verə bilər.
Poliqon.info
Digərxəbərlər
Populyar xəbərlər
