İran yeni COVİD dalğasının yeni “yamacında”...

İran Səhiyyə Nazirliyinin açıqlamasına görə, koronovirusun yenidən ortaya çıxması ehtimalı həyəcanverici həddə çatıb və təkcə bazar günü koronavirusdan 42 nəfər dünyasını dəyişib.

Poliqon xəbər verir ki, bu barədə BBC-nin fars xidmətinin məlumatında bildirilib.

Bazar ertəsi statistik məlumatlar da göstərir ki, 940 yeni xəstə aşkarlanıb və 497 nəfər xəstəxanaya yerləşdirilib. Hazırda İranın 18 şəhəri qırmızı, 76 şəhər narıncı, 227 şəhər sarı, 127 şəhər mavi statusdadır, deyə məlumatda bildirilir.

İran Səhiyyə Nazirliyinin tibb direktorunun müavini Səid Kərimi İranda koronovirusa yoluxmaların sayının artmasının 1.5 XBB subştammından qaynaqlandığını düşünür və bildirir ki, bu altştamm Omicron ştammı kolleksiyasındandır və daha əvvəl də İranda rast gəlinib.

İranda səhiyyə rəsmiləri insanlara gigiyena prinsiplərinə diqqətlə riayət etməyi və korona vaksininin xatırladıcı dozasını qəbul etməyi tövsiyə edib.

İran səhiyyə nazirinin müavini Hüseyn Fərşidi deyib ki, koronaya qarşı peyvəndin zərurui dozasını vurmaq, sağlamlıq qaydalarına riayət etmək, insanların sıx olduğu və qapalı yerlərdə maskadan istifadə etmək lazımdır.

“İndi biz yeni korona dalğasının yumşaq yamacındayıq və sağlamlıq prinsiplərinə laqeyd yanaşsaq, doqquzuncu zirvəni görə bilərik”, deyə Hüseyn Fərşidinin müraciətində deyilir.

Poliqon.info