İmran Xan Pakistanın baş nazirini ona qarşı sui-qəsddə ittiham edib

Pakistanın keçmiş Baş naziri İmran Xanın partiyası indiki Baş nazir Şahbaz Şərifin ona qarşı sui-qəsddə əli olduğunu bildirib.

PİA.az xarici mətbuta əsasən xəbər verir ki, İmran Xanın partiyasının yaydığı bəyanatda bildirilir ki, onların liderinə qarşı sui-qəsddə Baş nazir Şahbaz Şərifin, daxili işlər nazirlinin və kəşfiyyat xidməti rəhbərinin rolü var. İmran Xanın partiyası hər üç siyasətçinin istefa verməsini tələb edib.

Qeyd edək ki, dünən İmran Xan ona qarşı sui-qəsd planının olduğunu əvvəlcədən bildiyini deyib.

Xatırladaq ki, noyabrın 3-ü Pakistanın keçmiş Baş naziri İmran Xana qarşı sui-qəsd cəhdi olub. Naməlum şəxs onun içərisində olduğu avtomobilə atəş açıb. Hadisəni törədən şəxs saxlanılıb.

pia.az