İran prezidenti İbrahim Rəisinin və xarici işlər naziri Hüseyn Əmir Abdullahianın ölümünə səbəb olan təyyarə qəzasında təxribat versiyası ilə bağlı istintaqın təfərrüatları gizlədilə bilər...
Poliqon xəbər verir ki, bu barədə Türkiyənin "Hürriyet" qəzeti yazıb.
"İran prezidenti İbrahim Rəisinin helikopterinin vurulmasının səbəbi xüsusi qrupun araşdırması nəticəsində aydınlaşacaq. Lakin İran dövlətinin bunu açıqlayacağına əmin deyiləm. İranda ümumi tendensiya ondan ibarətdir ki, bu, qəza olub. Lakin məlumat əldə olunduqca hadisənin sui-qəsd ola biləcəyinə dair şübhələr güclənməyə başlayıb", deyə qəzetin hökumət dairələrinə yaxın yazarı Abdulkadir Selvi yazıb.
Müəllif qəzanın səbəbləri ilə bağlı suallar verir: "Əgər hava şəraiti yaxşı idisə, o zaman bu helikopter niyə qəzaya uğradı? Rəisini daşıyan helikopterin pilotu "Musstavi" eskadronunun komandiri olduğu üçün təcrübəli pilot olmalı idi. Belə olan halda, ən təcrübəli pilotun idarə etdiyi helikopter niyə qəzaya uğradı, amma qabaqda və arxada uçan digər ikisi qəzaya uğramadı? Məlum olub ki, helikopterin salonunda yanğın olub. Kabinənin alovlanmasına və nəticədə helikopterin qəzaya uğramasına səbəb havada təxribat olubmu? Daha çox suallar var. Qəza ehtimalı qətl və təxribatla əvəz olunur. Yalnız bu qətli kimin sifariş etdiyi məlum deyil. İran daxilində, yoxsa xaricdə?".
Rəisi, Abdullahian və digər rəsmiləri daşıyan helikopter mayın 19-da İranın şimal-qərbində Verzeqan bölgəsində qəzaya uğrayıb. Mayın 20-də səhər ölkənin vitse-prezidenti Möhsün Mansuri prezidentin və onun nümayəndə heyətinin ölümü ilə bağlı xəbərləri təsdiqləyib.
Poliqon.info
Digərxəbərlər
Populyar xəbərlər
