Yayılan məlumata görə fransız və erməni kəşfiyyatları Rusiya və İrana qarşı müqavilə imzalayıblar...
Siyasi-analitik: “Ermənistan son vaxtlar Rusiya və İran əleyhinə addımlar atır və bu addımlar Qərbin təsiri ilə həyata keçirilir”.
“Bu xəbərin fransız mətbuatında olması məni tərəddüdə saxlayır. Çünki adətən belə yayılan məlumatlar ictimai rəydə çaşqınlıq yaratmaq, dezinfeksiya, manipulyasiya xarakterində ola bilir”.
Bu sözləri siyasi-analitik Kənan Novruzov Ermənistanın Rusiya və İrana qarşı atdığı addımları Poliqon-a şərh edərkən qeyd edib.
Fransa mətbuatının yazdığına görə fransız və erməni kəşfiyyatları Rusiya və İrana qarşı müqavilə imzalayıblar. Məlumatda bildirilir ki, Ermənistan kəşfiyyatı Rusiya və İranla bağlı kəşfiyyat məlumatlarını Fransaya ötürəcək.
Ermənistanın bir neçə sahə üzrə öz müttəfiqləri olan Rusiya və İranla bağlı məlumatların Fransaya ötürməsi ilə bağlı razılıq verməsi nədən xəbər verir və ümumiyyətlə, İrəvanın son aylar regionda Rusiya və İrana qarşı atdığı addımlar Moskva və Tehranda hansı reaksiya doğura bilər?
Mövzunu Poliqon-un əməkdaşı siyasi-analitik Kənan Novruzov ilə müzakirə edib.
Kənan Novruzov: “Ermənistanın Rusiyaya qarşı atdığı addımlar regiondakı vəziyyəti dəyişə bilər”.
Rusiyanın hələlik Ermənistana qarşı soyuqqanlı, təmkinli davrandığını qeyd edən analitik Poliqon-a bildirib ki, Rusiyanın mütləq adekvat addımları olacaq:
“Ümumiyyətlə, Ermənistan son vaxtlar Rusiya və İran əleyhinə addımlar atır və bu addımlar Qərbin təsiri ilə həyata keçirilir. Eyni zamanda bu, Ermənistanın baş naziri Nikol Paşinyanın heç də balanslı siyasəti kimi təqdim olunmamalıdır. Çünki balanslı siyasət bu deyil. Balanslı siyasət heç kimdən asılı olmayaraq özünün siyasətini yürütməkdir. Amma Ermənistan daha çox təzyiqlərlə hərəkət edir. Bu da digər dövlətlərlə münasibətlərə təsir edir.
Bu xəbərin fransız mətbuatında olması məni tərəddüdə saxlayır. Çünki adətən belə yayılan məlumatlar ictimai rəydə çaşqınlıq yaratmaq, dezinfeksiya, manipulyasiya xarakterində ola bilir. Amma düşünürəm ki, Ermənistanın Rusiyaya qarşı atdığı addımlar regiondakı vəziyyəti dəyişə bilər. Hələ ki, Ermənistan suyu üfülüyə-üflüyə içir. Çünki başqa yolu da yoxdur. Yəni Ermənistan yavaş-yavaş Rusiyadan uzaqlaşır.
Düşünürəm ki, bu çox da uzun çəkməz. Rusiya hələ ki, Ermənistana qarşı soyuqqanlı, təmkinli davranır. Amma Rusiyanın mütləq adekvat addımları olacaq. Ermənistan Fransanın kəndiri ilə quyuya düşür, amma o quyuda batmasa yaxşıdır”.
Nərminə UMUDLU
Poliqon.info