Ermənistan və Azərbaycan XİN rəhbərlərinin görüşü... - Mişel də Makron kimi vasitəçilik missiyasından kənarlaşdırılıb?

Politoloq: “Biz hələ bu görüşü Münhen prosesi adlandırmağa tələsməyək. Lakin aydın məsələdir ki, Makron və Mişelsiz bir prosesin getməsi də göz önündədir”.

“Münhen Təhlükəsizlik Konfransından sonra Nikol Paşinyan Fransaya səfər etdi, Münhendə əldə olunmuş razılıqlara zidd fikirlər söylədi”.

Bu sözləri politoloq İlyas Hüseynov Azərbaycan və Ermənistan xarici işlər nazirlərinin gözlənilən görüşünü Poliqon-a şərh edərkən qeyd edib.

Xəbər verdiyimiz kimi, Ermənistan və Azərbaycan xarici işlər nazirlərinin görüşü fevralın 28-29-da Berlində baş tutacaq. Ermənistan XİN-in mətbuat katibi bildirib ki, görüşün keçirilməsi ilə bağlı razılaşma Münhendə üçtərəfli görüş zamanı əldə olunmuş razılaşma əsasında aparılacaq.

Görüşün Brüsseldə deyil, Berlində baş tutması nədən xəbər verir? Bu o demək olurmu ki, Mişel də Makron kimi vasitəçilik missiyasından kənarlaşdırılıb? Digər tərəfdən, görüşün Berlində baş tutması həm də ikitərəfli platformaya üstünlük verildiyi anlamına gəlirmi?

XİN rəhbərlərinin Berlin görüşünü Poliqon-un əməkdaşı politoloq İlyas Hüseynov ilə müzakirə edib.

İlyas Hüseynov: “Məlum oldu ki, Fransa Münhen razılaşmalarının üzərindən xətt çəkmək yönündə israrlıdır”.

Azərbaycanın şərtlərinin daxilində müəyyən gedişatın olduğunu dünən politoloq Poliqon-a açıqlamasında bu gedişatın Fransanın bizim üçün arzuolunmaz dövlət olduğunun olduğunu vurğulayıb:

“Münhen Təhlükəsizlik Konfransında Almaniya kansleri Olaf Şolst və Azərbaycan-Ermənistan liderləri arasındakı görüş sülh, təhlükəsizlik, sabitlik yönündə mühüm bir addım kimi yadda qaldı. Digər tərəfdən, xüsusilə vurğulamaq lazımdır ki, Şolst cəmi 10-15 dəq giriş nitqini söylədikdən sonra otağı tərk etdi və cənab İlham Əliyevlə Nikol Paşinyan birbaşa dialoq yolu ilə müzakirələr həyata keçirdilər.

Eyni zamanda qeyd etmək lazımdır ki, Münhen Təhlükəsizlik Konfransından sonra Nikol Paşinyan Fransaya səfər etdi, Münhendə əldə olunmuş razılıqlara zidd fikirlər söylənildi. Həmçinin Fransanın müdafiə naziri İrəvana gəldi. O öz təyyarəsinin bortunda gecəgörmə cihazları və radarlar da daxil olmaqla hərbi texnikanı Ermənistana tədarükü etdi. Belə məlum oldu ki, Fransa Münhen razılaşmalarının üzərindən xətt çəkmək yönündə israrlıdır.

İlyas Hüseynov: “Ermənistanı açıq dəstəkləyən dövlət vasitəçi ola bilməz”.

Son məlumat bundan ibarətdir ki, fevralın 28-29-da Berlində Azərbaycan və Ermənistanın xarici işlər nazirləri görüşəcək. Bu görüş elə Münhen prosesinin davamı kimi qiymətləndirilir. Biz hələ bu görüşü Münhen prosesi adlandırmağa tələsməyək. Lakin aydın məsələdir ki, Makron və Mişelsiz bir prosesin getməsi də göz önündədir.

Mənə elə gəlir ki, XİN rəhbərləri arasında keçirilən görüşün ardını da biz izləyə bilərik. Bu da onu deməyə əsas verir ki, Azərbaycanın şərtləri daxilində müəyyən gedişat var. Bu gedişat bundan ibarətdir ki, Fransa bizim üçün arzuolunmaz dövlətdir. Onun vasitəçiliyi bizə heç bir xeyir vermir. Ermənistanı açıq dəstəkləyən dövlət vasitəçi ola bilməz. Buna görə də, bizim üçün birbaşa dialoq ən önəmli çıxış yoludur. Bu tezislər üzərində danışıqlar gedirsə, bu danışıqların nəticəsinə də müəyyən ümidlə yanaşmaq mümkündür”.

Nərminə UMUDLU
Poliqon.info