Ermənistan parlamentində Avropa İttifaqına üzvlük müzakirə edilib...

Poliqon xəbər verir ki, bu barədə Ermənistanın “Hraparak” qəzeti yazıb. Qəzet qeyd edir ki, deputatlar və Qriqoryan Ermənistanın Aİ-yə üzvlük üçün ərizə verəcəyi təqdirdə Ermənistanı gözləyəcək həm riskləri, həm də imtiyazları müzakirə ediblər.

Nəşr xəbər verir ki, iclasın əvvəlində maliyyə nazirinin müavinlərindən biri deputatlara Ermənistanın Rusiyadan iqtisadi asılılığına dair geniş hesabat təqdim edib və Rusiyadan Aİ-yə keçid nəticəsində hansı iqtisadi risklərlə üzləşə biləcəklərini qiymətləndirib.

Qriqoryan Ermənistanın Rusiyaya göbək bağı ilə bağlı olduğunu etiraf edib və kəskin addımlar atılması, nəticədə Yuxarı Larsın erməni yükdaşıyıcılarının üzünə bağlana və ya ciddi təhlükəsizlik təhdidləri yarada biləcəyi ilə bağlı mənfi fikir bildirib. Qərbin Ermənistanın problemlərini şaxələndirməyə hazır olub-olmaması ilə bağlı suala Qriqoryan cavab verib ki, onlardan gələn mesajlar hazır olmadıqlarını göstərir.

“Hraparak” qeyd edir ki, Armen Qriqoryanın cavablarından hakim partiyanın deputatlarında Qərbin nəinki Ermənistanın Aİ-yə müraciətini dəstəkləmədiyi, eyni zamanda buna qarşı olduğu təəssüratı yaradıb.

Nəşr yazır ki, Qərbyönlü rəsmi komanda üzvü olan Qriqoryan deputatları hər şeyin yaxşı olacağına inandıra bilməyib, əksinə bədbin cavablarla onların arasında şübhələr yaradıb. Qriqoryan yaxın vaxtlarda KTMT-dən çıxmağı və Rusiyaya qarşı başqa addımlar atmağı planlaşdırmadıqlarını da deyib, lakin “Hraparak” vurğrulayır ki, Ermənistan hakimiyyətinin Rusiya əleyhinə bəyanatlarının öz nəticəsini verib. Məsələn, dünən Lavrov Ararat Mirzoyana zəng edərək regional məsələləri müzakirə edib. Bütün bunlar isə rus sərhədçilərini Zvartnotsdan çıxarmaq barədə bəyanatından sonra başlayıb.

Poliqon.info