Ermənistan Hindistana ölkəni Avropa ilə birləşdirən alternativ ticarət yolunun formalaşdırılmasında öz dəstəyini təklif edib...
Poliqon xəbər verir ki, bunu ANI Agentliyinə Nyu-Dehlidə keçirilən “Raisina dialoqu” beynəlxalq politologiya konfransında iştirak edən Ermənistanın əmək və sosial məsələlər naziri Narek Mkrtçyan deyib.
“Ermənistan Hindistana, xüsusən də Avropa ilə alternativ dəniz ticarət marşrutu təklif etmək üçün strateji mövqeyə malikdir”, deyə nazir vurğulayıb.
Mkrtçyanın sözlərinə görə, bu, bir çox ölkələrin, o cümlədən Hindistanın Qırmızı dənizdən keçən ticarət gəmilərinə hücumların çoxluğunu nəzərə alaraq, Avropa və Qərblə ticarət üçün alternativ dəniz yolları axtardığı bir vaxtda vacibdir.
“Ermənistan hökuməti Şimal-Cənub Nəqliyyat Dəhlizi (INSTC), Qara dənizdən keçən nəqliyyat, həmçinin tranzit dəhlizi və Hindistan və İran arasında birgə layihə olan Çabahar limanının inkişafı kimi iri regional və qlobal layihələrdə tərəfdaşlıq yaratmağa sadiqdir”, deyə erməni nazir bildirib.
Poliqon.info