Çin Xarici İşlər Nazirliyinin sözçüsü Van Venbin bildirib ki, Pekin ABŞ-dan adaya silah tədarükünü dayandırmaq üçün Tayvana qarşı öhdəliklərini yerinə yetirməsini gözləyir...
Poliqon xəbər verir ki, bu barədə TASS Agentliyi məlumat yayıb.
Venbin Çinin Balidə keçirilən G20 sammiti zamanı ABŞ tərəfinin verdiyi bəyanatlara böyük əhəmiyyət verdiyini vurğulayıb.
"Birləşmiş Ştatlar Tayvanın müstəqillik istəyəmn qüvvələrini dəstəkləməməsi, adanın silahlandırılmasını dayandırması və onun materiklə dinc yolla birləşməsini dəstəkləməsi mövqeyini bir daha təsdiqləmək üçün konkret addımlar atmalıdır", deyə Van Venbin bildirib.
Bundan əvvəl Çin Müdafiə Nazirliyinin sözçüsü Vu Qian ABŞ-dan Tayvana hərbi təchizat göndərilməsinə etirazını bildirib. Onun sözlərinə görə, Pekin ada üzərində öz suverenliyini müdafiə etmək niyyətindədir.
Van Venbin Vaşinqtonun Tayvana 300 milyon dollar dəyərində silah satmaq niyyətini şərh edərkən "Çin ABŞ-ın Çinin Tayvan bölgəsinə silah satmasından son dərəcə narazıdır və buna qəti şəkildə qarşıdır", deyib.
Onun sözlərinə görə, Vaşinqtonun bu cür hərəkətləri Çinin təhlükəsizliyini pozur və Tayvan boğazının hər iki tərəfində "sülh və sabitliyə ciddi təhlükə" yaradır. Hərbi rəsmi bildirib ki, bu, adadakı separatçı elementlərə də yanlış siqnallar göndərir.
Poliqon.info