İTV-nin əməkdaşına vəzifə verildi
“Azərbaycan Televiziya və Radio Verilişləri” Qapalı Səhmdar Cəmiyyətində (AzTV) aparılan kadr islahatları davam etdirilir.
PİA.AZ Modern.az-a istinadən bildirir ki, İsmət Bünyadzadə AzTV-də Texniki istehsalat birliyinin rəisi Arzu Abdullayevin I müavini təyin edilib.
İsmət Bünyadzadə buna qədər İctimai Televiziyada çalışırdı.
“Azərbaycan Televiziya və Radio Verilişləri” QSC-nin mətbuat katibi Xatirə Qasım məlumatı təsdiqləyib.
Qeyd edək ki, Azərbaycan Prezidenti İlham Əliyevin yanvarın 15-də imzaladığı sərəncamla Arif Alışanov qurumun sədri vəzifəsindən azad olunub. Dövlət Televiziyasının sədri vəzifəsinin icrası tanınmış jurnalist Rövşən Məmmədova tapşırılıb.
pia.az