ABŞ Məxfi Xidməti X sosial şəbəkəsində 11 sentyabr 2001-ci il terror aktı qurbanlarının xatirəsinə yazı dərc edib və səhvən ölənlərin ümumi sayını göstərib. Bununla da 19 Əl-Qaidə kamikadzesinin xatirəsini ehtiramla yad edilib...
Poliqon xəbər verir ki, Məxfi Xidmət daha sonra paylaşımı silib və səhvi təsdiqləyərək düzəldilmiş versiyasını yayımlayıb.
İlk versiyada 2996 insanın adı göstərilirə. Mesajın yeni versiyasında bu rəqəm 2977 ilə əvəz edilib. Beləliklə, siyahıdan 19 təyyarə qaçıran şəxsin adı çıxarılıb
"Orijinal yazıda səhvən 11 sentyabr hücumlarından ölənlərin ümumi sayını, o cümlədən təyyarəni qaçıranları daxil etdik. Məqsədimiz yalnız o faciəli günün qurbanlarının xatirəsini ehtiramla yad etmək idi və səhvə görə dərindən üzr istəyirik", deyə Xidmətin yenilənmiş bəyanatında qeyd edilir.
11 sentyabr terror aktı zamanı Əl-Qaidə silahlıları 4 sərnişin təyyarəsini qaçırıblar. Onlardan ikisi Nyu Yorkdakı Dünya Ticarət Mərkəzinin əkiz qüllələrinə çırpılaraq onların dağılmasına səbəb olub. Üçüncü təyyarə Vaşinqtonda Pentaqonun qərb qanadına çırpılıb. Sonuncu təyyarə Kapitol binasına çırpılmalı idi, lakin uçuş qeydinin stenoqramı göstərir ki, sərnişinlər təyyarəyə nəzarəti bərpa etməyə çalışıblar, bundan sonra hakimiyyəti itirən terrorçular təyyarəni yerə endiriblər. Həmin təyyarə Pensilvaniya ştatının Pittsburq yaxınlığında qəzaya uğrayıb.
Poliqon.info