İran prezidenti Məsud Pezeşkian bu ölkəyə səfəri zamanı İraqla təhlükəsizlik sazişinin bağlanmasının zəruriliyini bəyan edib...
Poliqon xəbər verur ki, bubarədə Pezeşkian prezident kimi ölkəyə ilk səfəri münasibətilə İraq dövlət televiziyasına müsahibəsində deyib. Pezeşkianın sözlərinə görə, belə bir tədbir turistlərin və iş adamlarının iki ölkədə təhlükəsiz qalmaları üçün zəruridir.
“Bütün səyahətçilər, iş adamları və digərləri üçün adekvat təhlükəsizlik şəraitini təmin etmək üçün birgə təhlükəsizlik sazişlərimiz olmalıdır. İki ölkə arasında təhlükəsizlik koordinasiyası olmadan bu məqsədə nail olmaq mümkün deyil”, deyə Pezeşkian bildirib.
Xatırladaq ki, Məsud Pezeşkian bir gün əvvəl Bağdada gəlib. Bu həm də onun prezident kimi ilk xarici səfəridir.
Pezeşkianın andiçmə mərasimi iyulun 30-da baş tutub. İraqda onun hökumətin bütün qollarının rəhbərləri ilə danışıqlar aparacağı, eləcə də cənubdan şimala kimi ölkənin müxtəlif şəhərlərinə səfərləri gözlənilir.
Poliqon.info
Digərxəbərlər
Populyar xəbərlər
