Ukrayna prezidenti bir daha xəbərdarlıq edib ki, rus qoşunları Zaporojye Atom Elektrik Stansiyasını partlada bilər...
Poliqon xəbər verir ki, bu barədə Almaniyanın Bild nəşri məlumat yayıb.
Daha əvvəl Ukrayna prezidenti bir neçə reaktorun damında partlayıcı maddələrə oxşar əşyaların yerləşdirildiyini bildirib. Zelenski hesab edir ki, bu partlayıcılar Ukrayna Silahlı Qüvvələrinin ZAES-ə hücumunu simulyasiya etmək və Ukraynanı terror aktında ittiham etmək üçün istifadə edilə bilər.
Ukrayna prezidenti bunun qarşısını almaq üçün Moskvaya beynəlxalq təzyiq göstərməyə çağırıb.
Həmçinin Zelenski Fransa prezidenti Emmanuel Makrona nüvə obyektinin təhlükəsizliyinin təmin edilməsi üzərində işləməyə hazır olduğuna görə təşəkkür edib.
Bild yazır ki, MAQATE vəziyyəti “qeyri-sabit” adlandırıb, lakin iyunun 30-na olan məlumata görə, təşkilat AES-də heç bir mina və ya partlayıcı tapmayıb.
Poliqon.info
Digərxəbərlər
Populyar xəbərlər
