Şahmat üzrə Onlayn Millətlər Kubokunda iştirak edəcək dünya yığmasının heyəti açıqlanıb...
“Report”un Beynəlxalq Şahmat Federasiyasının (FIDE) saytına istinadən məlumatına görə, azərbaycanlı şahmatçı Teymur Rəcəbov FIDE prezidenti Arkadi Dvorkoviçin kapitan olduğu dünya yığmasında mübarizə aparacaq.
Komandanın digər üzvləri iranlı Alireza Firuzca, misirli Bassem Amin və ukraynalı Mariya Muzıçukdur.
Ehtiyat heyətdə isə perulu Xorxe Kori və qazaxıstanlı Dinara Saduakasova yer alıb.
Qeyde edək ki, 6 komandanın iştirakı ilə keçiriləcək və 180 000 ABŞ dolları mükafat fonduna malik yarış iki dövrəlik olacaq. İlk mərhələ 5 - 9 mayda gerçəkləşəcək. Daha sonra iki ən güclü komanda mayın 10-da Superfinalda üz-üzə gələcək.
pia.az