Şahzadə Harri ilə Britaniya kralı III Çarlz arasında növbəti qalmaqal yaşanıb...
Kral mənbəsi iddia edib ki, şahzadə Harri xəstə atasını onunla kraliça Kamilla arasında seçim etməyə məcbur edib. Mənbənin sözlərinə görə, bu səbəbdən monarx kiçik oğlu ilə keçən həftə Londonda görüşməkdən imtina edib.
"Harri Kamilla haqqında qəddar və incidici sözlər söyləməklə münasibətləri çətinləşdirir. III Çarlz oğullarını sevir, eyni zamanda həyat yoldaşını da sevir. Son bir neçə ay onun nə qədər vacib olduğunu göstərdi. Ona ən çox dəstək verən də Kamilla olub", deyə mənbə bildirib.
Mənbə həmçinin qeyd edib ki, Susseks hersoqu atasının hazırkı həyat yoldaşına xor baxdığını açıq şəkildə bildirib.
"Harri kralı seçim etməyə məcbur etdi. Bu çox axmaq hərəkət idi, çünki o və Kamilla çoxdan bir-birlərini seçiblər", deyə həmin şəxs bildirib.ə
Fevralın 5-də Bukingem sarayının mətbuat xidməti III Çarlz III xərçəng diaqnozu qoyulduğunu açıqlayıb. Xəstəliyə görə monarx müvəqqəti olaraq ictimai vəzifələrini dayandırıb. Bununla belə, martın 31-də Kral Vindsor qəsrindəki Müqəddəs Georgi Kapellasında Pasxa mərasimində iştirak edib. O, həyat yoldaşı ilə ictimaiyyət qarşısına çıxıb.
Mayın 8-də şahzadə Harri Londondakı Müqəddəs Paul Katedralində İnvictus Oyunlarının 10-cu ildönümünü qeyd etmək üçün çıxış edib. Eyni zamanda, onun həyat yoldaşı Meqan Markl mərasimə qatılmayıb. Mənbələr monarx çox məşğul olmasa, Susseks hersoqu atasını görə biləcəyini demişdi. Lakin belə görüş baş tutmayıb.
Poliqon.info
Populyar xəbərlər
