Sudanda ordu ilə Xüsusi Təyinatlı Qüvvələr arasında silahlı toqquşmalar nəticəsində həlak olanların sayı xeyli artıb...
“Report” xəbər verir ki, Sudan Səhiyyə Nazirliyinin məlumatına görə, aprelin 15-də başlayan və 11 ştatda baş verən qarşıdurmalarda indiyədək 512 nəfər həyatını itirib, 4 193 nəfər yaralanıb.
Qeyd olunub ki, səhiyyə sistemi indiyə qədər nisbətən sabitdir və bəzi xəstəxanalar münaqişə tərəfləri arasında bir neçə gün davam edən ən gərgin döyüşlərdən sonra yenidən açılıb.
Bir müddət əvvəl Ümumdünya Səhiyyə Təşkilatının nümayəndəsi sudanlıların səhhəti ilə bağlı ciddi narahatlığını ifadə edərək bildirib ki, hazırda Sudanda kommunikasiya və internetin olmaması səbəbindən sağlamlıq vəziyyəti ilə bağlı hər hansı qiymətləndirmə aparmaq çox çətindir.
Onun sözlərinə görə, bu gün ölkənin paytaxtında - Xartum şəhərində tibb müəssisələrinin 61 faizi bağlanıb, bütün ölkədə xəstəxana, xəstəxana və ya poliklinikaların cəmi 16 faizi işləyir.
Poliqon.info
Digərxəbərlər
Populyar xəbərlər
