Türkiyə prezidenti Rəcəb Tayyib Ərdoğan və Rusiya prezidenti Vladimir Putin Soçidə keçiriləcək danışıqlarda Ankaranın hazırladığı "taxıl sazişi"nin yeni formulunu müzakirə edə bilərlər...
Poliqon xəbər verir ki, bu barədə “Hürriyet” qəzeti mənbələrə istinadən məlumat yayıb.
Bu həftə Rusiya liderinin mətbuat katibi Dmitri Peskov iki dövlət başçısının görüşünün tezliklə baş tutacağını, tarixlərin açıqlanması ilə bağlı razılıqların olduğunu bildirib. Eyni zamanda, Ərdoğan administrasiyası prezidentin Rusiyaya səfərinin Hindistanda keçiriləcək G20 sammitindən əvvəl (9-10 sentyabr) baş tutacağını bildirib.
“Ukraynaya səfər edərək Kiyevin "nəbzini yoxlayan" xarici işlər naziri Hakan Fidan Rusiyada da eyni üsulu tətbiq edəcək, yəni Rusiya hakimiyyətinin “taxıl sazişi" məsələsi ilə bağlı fikrini dinləyəcək. Bundan sonra o, BMT ilə danışıqlar aparacaq”, deyə “Hürriyet” yazır.
Poliqon.info