Keçmiş Baş nazir Giorgi Qaxariyanın rəhbərlik etdiyi “Gürcüstan Naminə” müxalifət partiyası eks-prezident Mixail Saakaşvilinin “Vivamed” özəl klinikasından həbsxanaya qaytarılmasını tələb edir...
Poliqon xəbər verir ki, bu tələbi partiya liderlərindən biri, parlament üzvü Mixail Dauşvilinin keçirdiyi brifinqdə irəli sürüb. Deputat hesab edir ki, Saakaşvilinin səhhəti kifayət qədər normaldır və o, qalan cəzanı rahat klinikada deyil, həbsxanada çəkməlidir.
“Bundan başqa, hakimiyyət Gürcüstan vətəndaşı olmayan Saakaşviliyə məhkəmə proseslərindən birbaşa yayımla ölkədə siyasi fəaliyyətlə məşğul olmağa icazə verib və bununla da Konstitusiyanı pozur. Klinikanın palatasından Saakaşvili faktiki olaraq canlı olaraq partiya iclası keçirir, tapşırıqlar verir, Ukrayna dilində bəyanatlar verir”, deyə deputat bildirib.
Gürcüstan müxalifətinin digər nümayəndələri “Gürcüstan naminə” partiyasının Saakaşvilini həbsxanaya qaytarmaq tələbini kəskin tənqid edib və bu halda ölkədə siyasi vəziyyətin həddindən artıq gərginləşəcəyini istisna etməyiblər.
Gürcüstan Ədliyyə Nazirliyinin rəhbəri Rati Breqadze dəfələrlə açıq şəkildə bəyan edib ki, Saakaşvili yalnız həkimlərin müvafiq rəyindən sonra həbsxanaya qayıdacaq.
“Vivamed” klinikasının baş həkimi cümə axşamı jurnalistlərə deyib ki, Saakaşvilinin səhhətinin vəziyyəti onun daha da xəstəxanada müalicəsini tələb edir.
Poliqon.info
Digərxəbərlər
Populyar xəbərlər
