Polşanın milli müdafiə naziri Vladislav Kosiniak-Kamış iyunun 4-dən Belarusla sərhəddə bufer zonasının işinin bərpa olunduğunu açıqlayıb...
Poliqon xəbər verir ki, nazir bu barədə “Polşa Radio 24”ə bildirib. Radio xəbər verir ki, bufer zonası Qaynovski və Bialistok rayonlarını əhatə edəcək. Qərar qanunsuz miqrantın sərhədi keçmək istəyərkən əsgəri yaralamasından sonra verilib.
Qeyd edilib ki, sərhəd boyu Qaynovski rayonunda 26 yerdə və Bialistok bölgəsində bir yerdə bufer zonası yaradılıb. Obufer zonası hüdudlarında xüsusi rejim fəaliyyət göstərəcək. Bu zonalarda sərhədə 200 metrdən yaxından yaxınlaşmaq mümkün olmayacaq. Kosinyak-Kamış qərarını sərhədlərin daha yaxşı mühafizəsinin təmin edilməsi və sərhədçilərin təhlükəsizliyinin artırılması ilə izah edib.
Qeyd edək ki, 2021-2022-ci illərdə miqrasiya böhranı fonunda Polşada Belarusla sərhəddə bufer zonası fəaliyyət göstərib.
Belarusla sərhəddə polşalı əsgərə hücumdan sonra baş nazir Donald Tusk əlavə qüvvələrin göndərildiyini açıqlayıb.
Poliqon.info