“KTM-ə gətirilən 15 uşaqdan səkkizi reanimasiyaya yerləşdirilib. Onlardan altısının vəziyyəti ağırdır”...
Bunu Oxu.Az-a açıqlamasında KTM-in Yenidoğulmuşlar Şöbəsinin uzman pediatr neonatoloqu Aysel Qədimova deyib.
O bildirib ki, gətirilən uşaqlardan heç birində yanıq xəsarəti yoxdur:
“Uşaqlardan altısının vəziyyəti ağırdır. Onlardan üçü süni tənəffüs aparatına, üçü CPAP (ağciyərlərin süni havalandırılması rejimi aparatı - red.) aparatına qoşulub. Reanimasiyada olan uşaqların yaxın zamanda normal palataya köçürülməsi gözlənilmir. Digər yeddi uşaq isə intensiv nəzarət şöbəsindədir, ümumilikdə uşaqlardan altısı qız, doqquzu oğlandır”.
***
Yanğın baş verən Perinatal Mərkəzdən 16 yenidoğulmuş “Yeni Klinika”ya köçürülüb.
Oxu.Az xəbər verir ki, bunu “Yeni Klinika”nın Neonatologiya Şöbəsinin müdiri Əkbər Quliyev deyib.
O bildirib ki, yanğından təxliyə olunan beş hamilə, doqquz zahı və 16 yenidoğulmuş “Yeni Klinika”nın müvafiq şöbəsinə yerləşdirilib:
“Vəziyyətləri stabildir, lazımi müdaxilə edilib. Perinatal Mərkəzin həkimləri ilə əlaqə saxlanılır və uşaqlara hansı müalicələr aparılıbsa, eyni müalicə protokolları davam etdiriləcək”.
Poliqon.info
Digərxəbərlər
Populyar xəbərlər
