Venesuela Baş Prokurorluğu müxalifətdən prezidentliyə keçmiş namizəd Edmundo Qonzalesin həbsinə order verilməsini istəyib...
Poliqon xəbər verir ki, Venesuela prokurorluğu bu barədə İnstagram-da məlumat yayıb.
Məhkəmə departamentin tələblərini təmin edib. Qeyd edilir ki, prokurorluq Qonzalesə dindirilmək üçün üç çağırış vərəqəsi göndərib, lakin o, prokurorluğa gəlməyib.
“Birinci İnstansiya Milli Nəzarət Məhkəməsi Edmundo Qonzales Urrutiyanın ağır cinayətlərə görə həbsi ilə razılaşdı”, deyə Baş Prokurorluq İnstagram-da elan edib. Keçmiş prezidentliyə namizəd “qanunlara tabe olmamağa təhrik etməkdə, cinayətkar sui-qəsddə və informasiya sistemlərinin təxribatında” şübhəli bilinir.
Venesuelanın baş prokuroru Tarek Vilyam Saab bildirib ki, Edmundo Qonzalesin komandası öz saytında müxalifətçinin prezident seçkilərində qalib gəldiyi səslərin hesablanmasının nəticələrini dərc edib. İdarədən bildiriblər ki, onun komandası seçki məntəqələrinin protokollarını saxtalaşdırıb.
Venesuelada seçkilər iyulun 28-də keçirilib. Ölkənin Milli Seçki Şurasının məlumatına görə, hazırkı prezident Nikolas Maduro 51,2%, Edmundo Qonzales 44% səslə qalib gəlib. Müxalifət, exit-poll nəticələrinə istinad edərək, 73% nəticə ilə Qonzalesin qələbəsini elan edib. Bundan sonra ğlkə boyu etirazlar başlayıb.
Poliqon.info